ଦକ୍ଷିଣ ଭାରତର କୋଟି ଲିଙ୍ଗେଶ୍ବର ମନ୍ଦିରରେ ପୂରଣ ହୋଇଯାଏ ସବୁ ମନୋସ୍କାମନା

ଆମ ଦେଶରେ ସମସ୍ତ ଦେବା-ଦେବୀଙ୍କୁ ଅଦ୍ଭୁତ ଓ ସ୍ବତନ୍ତ୍ର ମନ୍ଦିର ବହୁ ସ୍ଥାନରେ ରହିଛି। ସମସ୍ତ ମନ୍ଦିରରେ କୌଣସି ନା କୌଣସି ଅଦ୍ଭୁତ କଥା ଦେଖିବାକୁ ମିଳିଛି। ଦକ୍ଷିଣ ଭାରତରେ ଆପଣ ଏଭଳି ଏକ ଅଦ୍ଭୁତ ଦେଖିବାକୁ ପାଇବେ, ଯାହାର ନାଁ କୋଟିଲିଙ୍ଗେଶ୍ବର। ଯେପରି ନାମରୁ ହିଁ ଲାଗୁଛି ଏକ କୋଟି ଶିବଲିଙ୍ଗ। ଏକ କୋଟି ଶିବଲିଙ୍ଗ ସ୍ଥାପିତ କରିବା ପାଇଁ ଏହି ମନ୍ଦିର ନିର୍ମାଣ କରାଯାଇଛି। ଏପର୍ଯ୍ୟନ୍ତ ଲକ୍ଷାଧିକ ଶିବଲିଙ୍ଗ ସ୍ଥାପିତ ହୋଇସାରିଛି। କୁହାଯାଉଛି ଯେ, ଏଠାକୁ ଆସି ମନୋସ୍କାମନା ପୂରଣ ହେବାପରେ ଭକ୍ତମାନେ ମଧ୍ୟ ନିଜର ଶିବଲିଙ୍ଗ ସ୍ଥାପିତ କରିପାରିବେ। ଆସନ୍ତୁ ଜାଣିବା ଏହି ମନ୍ଦିର ସହ ଜଡିତ ପୌରାଣିକ ମାନ୍ୟତା ଓ ବିଶେଷ୍ବତ।

କୁହାଯାଏ ଯେ, ଗୌତମ ଋଷିଙ୍କ ଅଭିଶାପରୁ ମୁକ୍ତ ହେବାପାଇଁ ଦେବରାଜ ଇନ୍ଦ୍ର ଏଠାରେ ଶିବଲିଙ୍ଗ ସ୍ଥାପିତ କରିଥିଲେ ଓ ଅଭିଷେକ କରିଥିଲେ। ଏହି ମନ୍ଦିର କର୍ଣ୍ଣାଟକର କୋଲ୍ଲାର ଜିଲ୍ଲାର କାମ୍ମାସାନ୍ଦରା ନାମକ ଗାଁରେ ରହିଛି। ସାରା ବିଶ୍ବରେ ଏହି ମନ୍ଦିର କୋଟି ଲିଙ୍ଗେଶ୍ବର ନାମରେ ପ୍ରଖ୍ରାତ। ଏଠାରେ ଥିବା ମନ୍ଦିରର ଆକାର ଏକ ଶିବଲିଙ୍ଗ ରୂପରେ ରହିଛି। ଶିବଲିଙ୍ଗ ରୂପରେ ତିଆରି ଏହି ମନ୍ଦିରର ଉଚ୍ଚତା ୧୦୮ ଫୁଟ। ମୁଖ୍ୟ ଶିବଲିଙ୍ଗ ବ୍ୟତୀତ ଏହି ମନ୍ଦିରରେ ଲକ୍ଷାଧିକ ଶିବଲିଙ୍ଗ ରହିଛି। ଆପଣ ଯଦି ଚାହାନ୍ତି ତେବେ ୧ ରୁ ୩ ଫୁଟର ଶିବଲିଙ୍ଗ ସ୍ଥାପିତ କରିପାରିବେ।।